Ամերիկյան «Wall Street Journal» պարբերականն անդրադարձել է «Ֆեյսբուք» սոցիալական ցանցի վերջին նորություններին՝ նշելով, որ սոցկայքի բջջային մեսենջերում նախատեսվում է նոր գործիքների ավելացում: Մասնավորապես՝ դա ամրագրումն է, առցանց պատվերներին հետևելը և սիրողական տեսանյութերի ուղարկումը: Աղբյուրը նշում է, որ «Ֆեյսբուք» ընկերությունը տեղեկացրել է մեսենջերին «Messenger Platform»-ի միջոցով մոտ 40 հավելված միացնելու մասին՝ ներառյալ նաև էլէկտրոնային առևտրով զբավող «Zulily Inc.» և «Everlane» ընկերությունները: Սոցցանցի ներկայացուցիչների խոսքով՝ օգտատերերին առաջարկվելու է առցանց ապրանքներ գնել` «լայք» նշանն ուղարկելու միջոցով: Նախաձեռնության հեղինակը Դևիդ Մարկուսն է, ով սոցցանց է տեղափոխվել «PayPal»-ից: Սոցցանցը նաև ծառայություն է թողարկել, որն օգնելու է գործարարներին հետևել իրենց բջջային գովազդի արդյունավետությանը: Նշենք, որ «Messenger»-ը՝ որպես առանձին հավելված, թողարկվել է 2011-ից: Դրա օգտատերերի թիվն արդեն հասել է գրեթե 600 միլիոնի: |