«McDonald’s» ընկերությունը պաշտոնապես թողարկել է հագուստի և տան համար օգտագործվող պարագաների իր առաջին հավաքածուն: Այս մասին հաղորդում է «Մետրո»-ն: Ինչպես կատակով նշում է պարբերականը, հանրությանը սիրելի դարձած «Big Mac» բուրգերներն արդեն հնարավոր է «կրել» սեփական մարմնի վրա: Աղբյուրը նշում է, որ ընկերության թողարկած հագուստի շարքում են լինելու անջրանցիկ վերարկուներ, ռետինե ճտքակոշիկներ, ծածկոցներ, պաստառներ և տան համար անհրաժեշտ այլ պարագաներ՝ «Big Mac»-ի զարդանախշերով: «McDonald’s»-ի հագուստի նոր հավաքածուն թողարկվել է այս շաբաթ՝ Ստոկհոլմում: Դրանք վաճառքի են հանվելու շվեդական «Big Mac» գնումների առցանց խանութում: |