Նոր Զելանդիայում գտնվող Վայթոմո քարանձավը բնության իսկական հրաշք է, որ ձևավորվել է միլիոնավոր տարիների ընթացքում: Երկար դարեր այստեղ տեր ու տիրական է եղել ամենազոր օվկիանոսը՝ ստեղծելով կրաքարի կախարդական ելուստներ ու իրար մեջ խաչաձևված 150 քարանձավներ:

Դրանցից ամենահայտնին Glowworm քարանձավն է, որ լի է զարմանահրաշ էակներով Arachnocampa Luminosa-ներով: Դրանք լուսատտիկներ են, որ ապրում են միայն Նոր Զելանդիայում: Նրանց կապտականաչ լույսն այնպիսի տպավորություն է ստեղծում, կարծես թե քարանձավի մուտքը ձմեռային աստղազարդ երկինք լինի: