Բրիտանացի թենիսիստ Էնդի Մառեյը բացասաբար է պատասխանել մի քանի ամսագրերի առաջարկներին՝ հարսանեկան լուսանկարները վաճառելու վերաբերյալ։ Ի դեպ, առաջարկներից մեկը գերազանցում էր 1 մլն ֆունտը։ Նշենք, որ Մառեյը և իր հարսնացուն՝ Քիմ Սիրսը, կամուսնանան ապրիլի 11-ին՝ շոտլանդական Դանբլեյը քաղաքում գտնվող «Cromlix House» հյուրանոցում։ Մառեյին առաջարկներ են հղել «OK!»-ի և «Hello!»-ի պես հեղինակավոր ամսագրերը, սակայն ապագա ամուսինները հայտարարել են, որ ցանկանում են հարսանիքը լինի ընտանեկան և նեղ անձնական։ |