+18 °C, +12 °C ... +20 °C Վաղը`+19 °C
Ինչպես հայտնի է, ապրիլի 24-ին Ռուսաստանի նախագահ Վլադիմիր Պուտինը կլինի Երևանում և կմասնակցի Հայոց ցեղասպանության 100-ամյա տարելիցին: Այս կապակցությամբ ՌԴ նախագահի մամուլի խոսնակ Դմիտրի Պեսկովը հայտարարել է, որ Պուտինի այցը Հայաստան չի անդրադառնա Ռուսաստանի և Թուրքիայի փոխհարաբերությունների վրա, փոխանցում է «ՏԱՍՍ»-ը «Տվյալ դեպքում այդ միջոցառումները չեն կարող բնութագրվել որպես ինչ-որ բանի վնասող»,- հայտարարել է նա՝ պատասխանելով հարցին՝ արդյոք Կրեմլում մտավախություն չունեն, որ Պուտինի`առաջիկայում սպասվող այցը Երևան կարող է վնասել «Թուրքական հոսք» խողովակաշարի կառուցման հեռանկարներին: «Մենք Թուրքիայի հետ շատ սերտ գործընկերական հարաբերություններ ունենք, որոնք ունեն տնտեսական փոխշահավետ համագործակցության շատ ամուր հիմք: Համաշխարհային շատ խնդիրների վերաբերյալ մեր դիրքորոշումները համընկնում են,- հավելել է Պեսկովն ու շեշտել,- Հայաստանը մեր հարևանն է, երկիր, որի հետ մեզ անհամար թելեր են կապում»: Ըստ Պեսկովի` խոսքը վերաբերում է ԵՏՄ-ին անդամակցության և ինտեգրման հետագա հեռանկարներին: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am