+19 °C, +12 °C ... +20 °C Վաղը`+22 °C
ԱՄՆ մի շարք քաղաքներում այս գիշեր երթեր են անցկացվել՝ նվիրված Հայոց ցեղասպանության 100-ամյա տարելիցի հիշատակմանը: Միայն Լոս Անջելես քաղաքի երթին, ըստ ականատեսների վկայության, մասնակցել է ավելի քան 130 հազար մարդ: Երթի մասնակիցները պահանջել են ԱՄՆ նախագահ Բարաք Օբամայից ճանաչել Հայոց ցեղասպանությունը: «Մենք ցանկանում ենք, որ Օբաման ճանաչի Հայոց ցեղասպանությունը: Նա պետք է ամաչի իր պահվածքի համար: Նա մեզ խոստացավ, որ կճանաչի Հայոց ցեղասպանությունը, իսկ այժմ հրաժարվում է այդ բառն արտասանելուց»,- կալիֆորնիական ռադիոն մեջբերում է ցուցարարների խոսքերը:  Ցույցի մասնակիցների թվում է եղել նաև ԱՄՆ կոնգրեսական Ադամ Շիֆը, ով հայտնի է իր հայամետ գործունեությամբ: Այդ առիթով վերջինը նշել է. «Ես երբեք չեմ մոռանա այն մեկուկես միլիոն հայերին, որոնք զոհվեցին այդ տարիներին և միլիոնավոր հայեր էլ ստիպված եղան լքել իրենց բնակավայրերը: Այժմ այդ դեպքերից 100 տարի է անցել, և ես կանգնած եմ իմ հայ ընկերների կողքին՝ Հայոց ցեղասպանության ճանաչման և զոհվածների հիշատակը հարգելու համար»,- նշել է Շիֆը:   |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am