Համացանցում լուրեր են պտտվում, թե Անգլիայում մահափորձ է կատարվել ՀՀ նախկին վարչապետ, Մեծ Բրիտանիայի և Հյուսիսային Իռլանդիայի Միացյալ Թագավորությունում ՀՀ դեսպան Արմեն Սարգսյանի վրա: «Ես չգիտեմ` ճի՞շտ է դա, թե՞ սխալ, բայց քիչ առաջ իմ նախկին հարևանը, որն այժմ բնակվում է Լոնդոնում, զանգահարեց և ասաց, որ ըստ իր տեղեկության, դեսպանի վրա անհայտ մարդիկ մահափորձ են կատարել: Ասաց նաև, որ մահափորձն անհաջողության է մատնվել»,- ֆեյսբուքյան էջում գրել էր օգտատարը:
ՄԱՄՈՒԼ.am-ի թղթակիցը տեղեկատվության հավաստիությունը փորձեց ճշտել ՀՀ ԱԳՆ մամուլի խոսնակ Տիգրան Բալայանից: Վերջինը նշեց, որ նման տեղեկատվության չի տիրապետում և ոչինչ ասել չի կարող: