Ինդոնեզիայի Սումատրա կղզու Մեդան քաղաքում ամերիկյան արտադրության «Հերկուլես C130» զինվորական փոխադրող օդանավն ընկել է հյուրանոցի վրա: Աղետի հետևանքով առնվազն 30 մարդ է զոհվել, հաղորդում է «Ռոյթերս»-ը: Նշվում է սակայն, որ զոհերի թիվը կարող է աճել:

«Սպուտնիկ» լրատվականի փոխանցմամբ էլ` օդանավում անձնակազմի 12 անդամ է եղել և ուղևորներ, որոնց հստակ թիվը հայտնի չէ: Ունեցած տվյալներով` օդաչուներն, անսարքություններ հայտնաբերելով, ցանկացել են ռազմաբազա ետ վերադառնալ: Շրջադարձ կատարելու ժամանակ էլ տեղի է ունեցել աղետը` ռազմաբազայից 5 կմ հեռավորության վրա: