Բաղրամյան պողոտան բացել-չբացելու շուրջ բանակցություններից հետո ակտիվիստ Տիգրան Հակոբյանը հայտնեց, որ ցուցարարներին կներկայացնի այսօրվա զրույցի մանրամասները, որից հետո կգան ընդհանուր հայտարարի: Ակտիվիստներն այժմ քննարկում են աղբամանները հանել-չհանելու հարցը: Քիչ անց պողոտա եկավ նախաձեռնության անդամներից Դավիթ Սանասարյանն ու ասաց, որ այսօր վճռական փուլ է մտնելու շարժումը, ունեն բազմավեկտոր ծրագրեր, որի մասին կհայտնեն երեկոյան: «21.00-ին լինելու են ելույթներ, հավանություն ստանալուց հետո մտնելու ենք վճռական փուլ»,- նշեց նա: |