ՖԻՖԱ-ի նախագահ Զեփ Բլատերn արժանի է Նոբելյան մրցանակի։ Նման կարծիք է հայտնել Ռուսաստանի Դաշնության նախագահ Վլադիմիր Պուտինը: «Եթե երբևէ տալ Նոբելյան մրցանակ, ապա հենց այսպիսի մարդկանց»,- ասել է Պուտինն՝ ավելացնելով, որ Բլատերի պես մարդիկ «արժանի են նման ուշադրության և երախտիքի՝ հասարակական կազմակերպությունների կողմից»։ Նշենք, որ Ռուսաստանի նախագահը դատապարտել է ԱՄՆ-ի կառավարության քաղաքականությունն՝ ուղղված ՖԻՖԱ-ի դեմ․ «Կոռուպցիայի դեմ այդ պայքարն այն տեսքով, որով անց է կացվում, ինձ ստիպում է հարցնել, արդյոք դա 2018-ի և 2022-ի աշխարհի առաջնությունների համար պայքարի շարունակությունը չէ»,- ասել է Պուտինը։ Ռուսաստանի նախագահը նաև համոզմունք է հայտնել, որ կոռուպցիայի համար կասկածվողների հանդեպ քննությունը պետք է անցկացվի այն երկրների օրինապահ մարմինների կողմից, որոնց քաղաքացիներ են հանդիսանում նրանք․ «Անթույլատրելի է, որ ինչ-որ մեծ կամ փոքր երկիր որոնումներ անցկացնի ողջ աշխարհում, որպեսզի բանտարկի նրան, ում ցանկանում է»,- նշել է նա։ |