Հնդկաստանի Բագպատի շրջանի գյուղերից մեկում 23-ամյա Մեենակշի Կումարին և նրա 15-ամյա քույրը դատապարտվել են բռնաբարության` իրենց եղբոր գործած «հանցանքի» պատճառով: Ինչպես գրում է «Մետրո»-ն, երկու քույրերին բռնաբարության է դատապարտել գյուղի տղամարդկանց խորհուրդը, քանի որ նրանց եղբայրը` Ռավին, սիրահարվել է ամուսանացած կնոջ և փախուստի դիմել նրա հետ: Աղբյուրը նշում է, որ այս ամենի մասին տեղեկությունները հասել են նույնիսկ «Amnesty International» միջազգային իրավապաշտպան կազմակերպությանը, որն ստորագրահավաք է սկսել` աղջիկներին դաժան դատավճռից փրկելու նպատակով: Կազմակերպությունը նշել է, որ իրենց տեղեկություններով, աղջիկների եղբայրը սիրահարվել է իրենցից մի աստիճան բարձր` ջեթ դասակարգի կնոջ, որի ավագները գյուղական խորհրդում ավելի շատ ձայնի իրավունք ունեն, քան տղայի դասակարգի ավագները, ուստի նրանց կայացրած որոշումներն այնպայման ի կատար են ածվում: Քույրերի մյուս եղբայրը պատմել է իրավապաշտպան կազմակերպությունը, որ այդ պատճառով քույրերն ու ընտանքիը փախել են գյուղից և բնակություն հաստատել մեկ այլ վայրում, սակայն մինչ այժմ վախենում են իրենց և իրենց եղբոր հետ փախած կնոջ կյանքի համար: |