Մոլդովացի մրցավար Սերգեյ Դերենովին ցմահ որակազրկել են՝ հանդիպման ընթացքում թույլ տված սխալների պատճառով։ Նշենք, որ մրցավարը սպասարկում էր Մոլդովայի առաջնության՝ «Շերիֆ» - «Զիմբրու» հանդիպումը։ Բացի այդ, Մոլդովայի ֆուտբոլի ֆեդերացիան կոչ է արել ՖԻՖԱ-ին՝ հանել Դերենովին ՖԻՖԱ-ի մրցավարների ցանկից։ Նշենք նաև, որ հանդիպումը տեղի է ունեցել օգոստոսի 29-ին՝ ավարտվելով «Շերիֆ»-ի հաղթանակով՝ 2։1 հաշվով։ Առաջին խաղակեսի վերջին գլխավոր մրցավարը կարմիր քարտ է ցույց տվել «Զիմբրու»-ի ֆուտբոլիստին, իսկ 60-րդ րոպեին 11-մետրանոց հարված նշանակել «Շերիֆ»-ի դարպասը։