«Լոս Անջելես Լեյքերս»-ի աստղ Քոբի Բրայանթի՝ կարիերան ավարտելու մասին հայտարարությունից հետո կտրուկ աճ են գրանցել մինչ մրցաշրջանի ավարտը մնացած խաղերի տոմսերի գները։ Առաջիկա հանդիպման ամենացածր գինն ունեցող տոմսերի գինն աճել է 3 անգամ՝ հասնելով 60 դոլարի։ Իսկ Բրայանթի՝ հավանական վերջին հանդիպման՝ 2016-ի ապրիլի 13-ին «Ութա Ջազ»-ի դեմ կայանալիք մրցավեճի տոմսերը երկու ժամում 125 դոլարից աճել են մինչև 400 դոլար։
Հիշեցնենք, որ երեկ Քոբի Բրայանթը բանաստեղծության տեսքով հրաժեշտ է տվել բասկետբոլին՝ հայտարարելով, որ մրցաշրջանի ավարտից հետո կավարտի մարզական կարիերան։