«Իշխանությունները հենց սկզբից տարածում էին այն թեզը, որ «ոչ»-ի շարժումը պառակտված է և միասնական չէ, նրանց ասածների մեջ կա միայն մեկ ճշմարտություն` «ոչ»-ի շարժումը դարձել է բազմազան, տարածվել, և հիմա ողջ հայ ժողովուրդն է ոչ ասում այս իշխանություններին»,- «Նոր Հայաստանի» հանրահավաքի ժամանակ հայտարարեց ՀԱԿ ներկայացուցիչ Վլադիմիր Կարապետյանը:

««Հանրապետականից» մենք ամեն ինչ սպասում ենք, սակայն ինչո՞ւ չեն արձագանքում Հանրապետականի նորաթուխ գործընկերները` Դաշնակցությունն ու ԲՀԿ-ն, չէ՞ որ նրանք ասել են, որ անելու են ամեն ինչ, որ հանրաքվեն լինի օրինական և արդար»,- ասաց նա: