Լոռու մարզի Գուգարք գյուղում երկհարկանի փայտե շենք է այրվել: MAMUL.am լրատվականի թղթակցի հետ զրույցու համայնքի ղեկավար Աշոտ Աշուղյանն ասաց, որ հրդեհը բռնկվել է վաղ առավոտյան: «Բոլորին տարհանել են, կրակը դեռ ամբողջությամբ մարված չէ, կարևորն այն է, որ կողքի շինություններին վտանգ չի սպառնում»: Ա. Աշուղյան ասաց, որ շենքն ուներ 6 բնակարան, որոնցից երեքը բնակելի էին, մյուսների բնակեցվածությունը ճշտվում է: «Մարդկանց ոչ մի բան չի եղել: Հիմա մտածում ենք՝ առայժմ վարձով բնակարաններ գտնելու մասին»: Համայնքի ղեկավարը դժվարացավ ասել, թե որն է եղել հրդեհի բռնկման պատճառը: |