Եվրոպական միությունը Հունաստանի իշխանություններին վերջնագիր է ներկայացրել` սահմանային հսկողությունը կարգավորելու համար նրանց տալով երեք ամիս ժամանակ: Այս մասին գրում է BBC-ն: Աղբյուրը նշում է, որ ԵՄ-ը հայտարարել է, որ հակառակ դեպքում Շենգենի գոտում գտնվող պետությունները կարող են փակել իրենց սահմանը Հունաստանի համար երկու տարի ժամկետով: Նշվում է նաև, որ երկու շաբաթ առաջ Եվրոհանձնաժողովը զեկույց էր ներկայացրել, որում նշվում էր, որ Հունաստանը լրջորեն թերանում է սահմանային ամուր վերահսկողություն սահմանելու իր պարտականությունների մեջ: Հիշեցնենք, որ անցած տարվա ընթացքում մոտ 850 հազար գաղթական ժամանել էր Հունաստան` այնտեղից եվրոպական մյուս երկրներ մեկնելու նպատակով: |