Ինչպես արդեն տեղեկացրել ենք, այսօր հակառակորդի կողմից կրակի դադարեցման պայմանավորվածության խախտման արդյունքում հյուսիսային (Թալիշ) ուղղությամբ մահացու վիրավորում են ստացել ՊԲ զինծառայողներ Գարիկ Մնացականի Մովսիսյանը (ծնվ. 1997թ.) և Վազգեն Հենրիկի Հարությունյանը (ծնվ. 1968թ.): MAMUL.am-ի թղթակցին հաջողվեց պարզել, որ Վազգենն ապրիլյան քառօրյա պատերազմի ժամանակ կամավոր էր մեկնել առաջնագիծ: Զինծառայողը Շուշի քաղաքից էր, ամուսնացած էր, ուներ 2 երեխա:

19-ամյա Գարիկ Մովսիսյանն էլ Տավուշի մարզի Զորական գյուղից էր: Գարիկը տան փոքրն էր, զորացվելուն մնացել էր մեկ տարի: