Մոլդովայի մայրաքաղաք Քիշնևում մեկնարկել է Եվրոպայի փոքր երկրների բասկետբոլի առաջնությունը: Առաջին խաղում Հայաստանի ազգային հավաքականը 83:64 հաշվով հաղթանակ է տոնել Մոլդովայի ընտրանու նկատմամբ՝ մրցակիցներին գերազանցելով բոլոր քառորդներում՝ 18:11, 23:19, 19:17, 23:17: Սա անկախ Հայաստանի պատմության մեջ մեր հավաքականի առաջին հաղթանակն էր։ Նշենք, որ վաղը մեր հավաքականը կհանդիպի առաջատար Անդորայի ընտրանու հետ։