«Որքան ավելի շատ է տևում այս կոնֆլիկտը, այնքան ավելի շատ է մեծանում ռազմական գործողությունների վերսկսման ռիսկը: ԵԱՀԿ-ն ջանքեր պետք է գործադրի այս կոնֆլիկտի համար տևական լուծում գտնելու համար»,- այսօր՝ լրագրողների հետ հանդիպման ժամանակ՝ անդրադառնալով ապրիլյան պատերազմին, ասել է Գերմանիայի արտաքին գործերի նախարար, ԵԱՀԿ գործող նախագահ Ֆրանկ-Վալտեր Շտայնմայերը: Նրա դիտարկմամբ՝ և՛ ԵԱՀԿ-ի ջանքերը, և՛ Սարգսյան-Ալիև հանդիպումը, և՛ Մինսկի խմբի համանախագահների ջանքերը հանդարտեցրել են հակամարտությունը: «Պետք է փորձենք ավելի նյութական դարձնել բանակցային գործընթացը: Դրա համար մեզ անհրաժեշտ է ԵԱՀԿ-ի ջանքերը, Մինսկի խմբի համանախագահների ջանքերը, երկու կողմերի փոխզիջման գնալու պատրաստակամությունը»,- նշել է նա: |