Այսօր՝ օգոստոսի 17-ին, անտուն կենդանիների պաշտպանության միջազգային օրն է: Տարբեր երկրներում հասարակական կազմակերպություններն այսօր անտուն կենդանիների օրը դարձնում են տոն: Այս օրն օրացույցում հայտնվել է կենդանիների իրավունքների պաշտպանության միջազգային կազմակերպության առաջարկով: Այսօր ևս մեկ անգամ բարձրաձայնվում է անտուն կենդանիների խնդիրների մասին, ինչպես նաև` փորձում են տարբեր միջոցներով օգնել և պաշտպանել նրանց: Ամբողջ աշխարհում այսօր անցկացվում են համերգներ, ցուցահանդես վաճառքներ, որոնցից ստացված գումարներն ուղղվում են անտուն կենդանիների, հատկապես ՝ կատուների և շների պահպանությանը: Օրվա առիթով ԴԻնգո թիմը կազմակերպում է շների ցուցահանդես - որդեգրման միջոցառում, որի ընթացքում կլինի նաև դրամահավաք ԴԻնգո թիմի խնամքի տակ գտնվող կենդանիների համար: |