Այսօր` օգոստոսի 24-ին, առավոտյան ժամը 10:00-ին ՀՀ վերաքննիչ քրեական դատարանում սկսվել է Վահագն Ղումաշյանի կալանքի վերաբերյալ վերաքննիչ բողոքի քննարկումը: Ինձ տեղեկացրեցին, որ առաջին ատյանի դատարանի որոշումն աննկարագրելի խախտումներով է՝ միայն մի փաստ ասեմ, դատարանն ամբողջությամբ Copy-paste է արել այլ անձանց վերաբերյալ կայացված որոշումը և նույնիսկ չի ուղղել Վահագն Ղումաշյանի անունը: Մինչդեռ ապացույցներ կան, որ Վահագն Ղումաշյանն այդ օրը Սարի թաղում նույնիսկ չի եղել: Այսինքն՝ դատարանն այնքան է շաբլոնային որոշումների վրա կենտրոնացել, որ գործի փաստերին և տվյալ գործով անձի առնչության հանգամանքներին նույնիսկ չի նայել, միանգամից բավարարել է քննիչի որոշումը:
Հ.Գ. Վահագին անձամբ եմ ճանաչում, հրաշալի անձնավորություն է: