Աշխարհահռչակ երաժիշտ, System of a Down ռոք խմբի մենակատար Սերժ Թանկյանն ավարտել է «Խոստում» ֆիլմի համար նախատեսված երաժշտության աշխատանքները: Սոցիալական կայքերի իր էջերում երգիչը գրել է. «Ուրախ եմ, որ ավարտեցի այն գեղեցիկ երգը, որը գրել եմ «Խոստում» ֆիլմի համար։ Ֆիլմը սիրո պատմություն է Ցեղասպանության վերջին օրերին»։Ֆիլմի ռեժիսորն օսկարակիր Թերի Ջորջն է:
Քըրք Քըրքորյանի հովանավորությամբ նկարահանված «Խոստում» ֆիլմի համաշխարհային պրեմիերան տեղի կունենա սեպտեմբերի 11-ին Տորոնտոյի միջազգային կինոփառատոնի շրջանակներում: