Տավուշի մարզի սահմանամերձ Այգեպարի գյուղապետ Անդրանիկ Այդինյանը MAMUL.am-ի թղթակցի հետ զրույցում տեղեկացրեց, որ իրենց միջնակարգ դպրոցում այս տարի երկու առաջին դասարանցի է սովորում: «Պատկերացնո՞ւմ եք` ինչ հրաշք է, զույգ եղբայրներ են սովորելու, էնքան ենք ուրախացել, էնքան անհամբեր սպասում էինք այս օրվան: Ճիշտ է` լավ կլիներ, որ 20-30 հոգանոց դասարաններ ունենայինք, բայց ցավոք այդքան աշակերտ չունենք»: Չորաթան գյուղում էլ առաջին անգամ դպրոց է գնացել դիպուկահարի կրակոցից զոհված պայմանագրային զինծառայող Արման Ուդումյանի որդին` Վահագնը: Տավուշի մարզի հեռավոր, Բարեկամավանի միջնակարգ դպրոցը նոր ուսումնական տարում չունի առաջին դասարանցի: Այս կապակցությամբ Ոսկան Սարգսյանը ֆեյսբուքյան էջում գրել է. «Սահմանագոտում չունենք աշակերտ, վաղը սահմանապահ չենք ունենա»: |