Հոկտեմբերի 3-ից Թայլանդում կսկսի գործել կոռուպցիայի գործերով մասնագիտացած առանձին դատարան, գրում է tass-ը: Նոր հաստատությունում կաշխատի 20 փորձառու դատավոր: Այդպիսի հարցերով դատարան հիմնելու գաղափարը պատկանում է երկրի վարչապետին, ով խոստացել է առաջիկա տարիներին արմատախիլ անել այդ չարիքը. երկրում կոռուպցիայի մակարդակը ռեկորդային ցուցանիշ է արձանագրել վերջին տարիներին: Նա ընդգծել է, որ մեղադրյալների թվում կլինեն նաև բարձրաստիճան պաշտոնյաներ: