Տեքսասի դաշնային դատարանը 300 մլն դոլարով տուգանել է Apple ընկերությանը VirnetX ընկերության հեղինակային իրավունքները խախտելու պատճառով, հաղորդում է Bloomberg-ը: Apple-ը խախտել է VirnetX-ի երկու պատենտերի հեղինակային իրավունքները: Դրանցից մեկը կապված է FaceTime տեսազանգի համար նախատեսված հավելվածի հետ, իսկ մյուսը՝ VoD ծրագրի, որը թույլ է տալիս վիդեոկոնտենտ ստանալ սերվերի ցանցով: VirnetX-ը հիմնադրվել է SAIC Inc.-ի նախկին աշխատակիցների կողմից, որը ԱՄՆ Կենտրոնական հետախուզական վարչության պատվերով զբաղվել է VPN-տեխնոլոգիաների ստեղծմամբ և մշակմամբ: Ընկերությունը բազմակի անգամ հայց է ներկայացրել Apple-ի դեմ: