+16 °C, +7 °C ... +20 °C Վաղը`+20 °C
Միացյալ Նահանգները դադարեցնում է Ռուսաստանի հետ երկկողմ բանակցությունները Սիրիայի հարցով: Այդ մասին երեկ երեկոյան հայտարարել է ԱՄՆ պետդեպարտամենտը: Որպես բանակցություններից հրաժարվելու պատճառ` ամերիկյան կողմը մատնանշում է, որ Ռուսաստանը չի կարողանում հավատարիմ մնալ ձեռք բերված պայմանավորվածություններին և պարտավորություններին: ԱՄՆ Պետդեպարտամենտի պաշտոնական ներկայացուցիչ Ջոն Քիրբին նշել է, որ Ռուսաստանի հետ կապերի խզումը «հեշտ որոշում չէ»: «Ռուսաստանը չի ուզում կամ չի ցանկանում համոզել Ասադի ռեժիմին հետևել Սիրիայի հարցով ձեռք բերված պայմանավորվածություններին, որոնց Մոսկվան տվել էի իր համաձայնությունը»,- ասել է Քիրբին` նշելով, որ Մոսկվան ու Դամասկոսը որոշել են շարունակել «ռազմական կուրսը», որ հակասում է կրակի դադարեցման պայմանավորվածությանը: Միացյալ Նահանգները Սիրիայից ետ է կանչելու Ռուսաստանի հետ փոխգործակցության հարցերով աշխատանքային խմբին: Հիշեցնենք, որ սեպտեմբերի վերջին Սիրիայի կառավարական ուժերը Մոսկվայի աջակցությամբ լայնազանգված հարձակում են սկսել Հալեպի ուղղությամբ: Հոկտեմբերի 2-ին ռուս-սիրիական օդուժն ավիահարվածներ է հասցրել աշխարհազորայինների դիրքերին, ինչի արդյունքում կրակի տակ է հայտնվել քաղաքի գլխավոր հիվանդանոցներից մեկը: Օդային հարվածների թիրախում են հայտնվել նաև Հալեպի հայկական թաղամասերը: Հայ բնակչության շրջանում կան զոհեր և վիրավորներ: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am