Ուեյն Ռունին մտադիր չէ լքել «Մանչեսթր Յունայթեդ»-ը՝ չգերազանցելով լեգենդար Բոբի Չարլթոնի ռեկորդը։ Վերջինս 249 գոլ է հեղինակել «Մանչեսթր Յունայթեդ»-ի կազմում, և այդ ռեկորդն անգերազանցելի է 40 տարվա ընթացքում։ Ակումբի լավագույն ռմբարկու դառնալու համար Ռունին պետք է 4 գոլ խփի։ Բրիտանական մամուլը գրում է, որ 31-ամյա հարձակվողը հիասթափված է, որ չի ընդգրկվում մեկնարկային կազմում։ Երեկ տեղեկություններ էին տարածվել, որ Ժոզե Մոուրինյոն խորհուրդ է տվել Ռունիին նոր ակումբ փնտրել, քանի որ չի կարող ապահովել նրա տեղը թիմի հիմնական կազմում։ Ռունին, սակայն, մտադիր է մնալ ակումբում և իր անունը գրել «Մանչեսթր Յունայթեդ»-ի պատմության մեջ։ |