«Բարսելոնա»-ի արգենտինացի հարձակվող Լիոնել Մեսսին, «Մանչեսթր Սիթի» - «Բարսելոնա» հանդիպման ընթացքում գրավելով մրցակցի դարպասը, նոր ռեկորդ է սահմանել։ Նա 54-րդ գնդակն է հեղինակել Չեմպիոնների լիգայի խմբային փուլում՝ գերազանցելով «Ռեալ»-ի լեգենդ Ռաուլի ռեկորդը։

Ընդհանուր առմամբ, Չեմպիոնների լիգայի խաղարկությունում Մեսսին 89 գոլ է խփել՝ այդ ցուցանիշով զիջելով միայն ռեկորդակիր Կրիշտիանու Ռոնալդուին, ով 95 գնդակ է հեղինակել։