Կառավարության այսօրվա նիստի ժամանակ ՊԵԿ նախագահ Վարդան Հարությունյանը ներկայացրել է որոշման նախագիծ, որով Դիլիջանի ուսումնական կենտրոնը փոխանցվել է ՀՀ ԿԱ Պետական գույքի կառավարման վարչությանը: «Հաշվի առնելով, որ ներկայում աննպատակահարմար է ՊԵԿ-ի կողմից կենտրոնի շահագործումը` նախագծով նախատեսվում է օբյեկտն ամրացնել ՀՀ ԿԱ Պետական գույքի կառավարման վարչությանը` հետագայում Կենտրոնն օգտագործման իրավունքով այլ անձի հանձնելու պայմանով»: Նշենք, որ գործադիրի նիստում որևէ կերպ չի պարզաբանվել ուսումնական կենտրոնի հետագա ճակատագիրը: Հիշեցնենք, որ ֆինանսների նախարար Վարդան Արամյանը լրագրողների հետ զրույցում ասել է, որ Դիլիջանի ուսումնական կենտրոնը լուծարվելու է: Ավելի վաղ ներկայացրել էինք ուսումնական կենտրոնի վրա պետբյուջեից ծախսված հսկայական գումարները, թե ինչ արժողությամբ կահույք ու սպասք է գնվել: |