Թուրքական Son dakika լրատվական կայքի փոխանցմամբ՝ Դիարբեքիրի Սուր շրջանում հարձակման է ենթարկվել ոստիկանական ավտոբուսը։ Միջադեպը գրանցվել է Դիջլեի (թարգմանաբար՝ Տիգրիս) համալսարանի մոտ։ Ահաբեկչական հարձակման հետևանքով զոհվել է 4 և վիրավորվել է 2 ոստիկան։ Ընդգծվում է, որ պայթյունն իրականացրել են «Քրդստանի աշխատավորական» կուսակցության (PKK) զինյալները, որոնք նախապես ինքնաշեն պայթուցիկ են տեղադրել ճանապարհին և այն պայթեցրել են ոստիկանական ավտոբուսի անցման պահին։ |