USD 402.56, EUR 440.64, RUB 4.58, GBP 505.01
+13 °C, +13 °C ... +29 °C Tomorrow:+29 °C
+13 °C, +13 °C ... +29 °C Tomorrow:+29 °C
Չբյուրեղացվող հեղափոխություն - մաս 1
16:40, 14.08.2018
3531 | 0
Սիրելի հայրենակիցներ. Սոց. ցանցում գրառումներ կատարելու տեսանկյունից լինելով պասիվ, հանգամանքների թելադրանքով (ինչպես մեր վարչապետն է ասում «իրադրություն է փոխվել») որոշեցի կիսվել: Անչափ ցավում եմ, որ մենք այդպես էլ չենք ուզում հասկանալ, որ հեղափոխությունը դառնում է հեղափոխություն, երբ հեղափոխությունը մեր իսկ մեջ է լինում, մեր գլխում և սրտում: Այնպես, ինչպես ազգովի կերտեցինք այն, այնպես էլ պարտավոր ենք ազգովի հեղափոխել ինքներս մեզ, մեր մտածողությունը՝ ձերբազատվելով այն արատավոր կենսակերպից, որը որդեգրել էինք՝ իբրև թե կրկին «իրադրություններից ելնելով»: Ներկայիս իշխանության՝ իրականությունը փոխելու ձեռնարկումները գրեթե չեն փոխի նախորդ իշխանության կողմից մեզ փոխանցված դառը ժառանգությունը, եթե մենք ներքևից չօգնենք նրանց՝ ինքներս մեզ փոխելով: Միայն այս դեպքում երկրում կհաստատվի արդարություն, օրինականություն, բյուջեյի եկամուտներ և այլն: Իսկ ինչպե՞ս փոխվենք: Սկսենք ինքներս մեզ հաշիվ տալուց: Ինչպես էինք ապրում առաջ և ինչպես ենք ուզում ապրել «Նոր Հայաստանում»: Արդյո՞ք մենք փոխել ենք մեր մտածելակերպը և կենսակերպը: Արդյո՞ք մենք իրապես գիտակցում և զղջում ենք մեր անցյալի սխալների համար: Արդյո՞ք իրավունք ունենք անձնական շահը վեր դասելու հանրային շահից: Եկեք ոչ թե չարախնդանք կամ ուրախանանք որևէ պաշտոնյայի հրաժարականով, չարաշահման բացահատումով կամ ձերբակալությամբ, այլ մենք մեր սխալները հասկանանք և ուղղենք: Բոլորով ձերբազատվենք մեր արատներից, որոնք մեզ հասցրել էին այս ծայրահեղ իրավիճակին, արժանի լինենք մեր իսկ կերտած հեղափոխությանը: Միայն այս դեպքում կկերտենք լավ Հայաստան: Իմ, ընկերներիս և կարծում եմ բազմաթիվ մտածող մարդկանց մոտ կան և կլինեն անհամաձայնություններ իշխանության գործունեության այս կամ այն հարցի շուրջ, բայց կարծում եմ, որ բոլորիս պետք է միավորի միմիայն համազգային շահը, իշխանությանը սխալներից զերծ պահելու և ճիշտ հուշումներ տալու մղումը և ոչ թե պաշտոն չստանալը, մեր կարծիքը հաշվի չառնելը, չլսված լինելը, առավել ևս իշխանությանը չարախնդալը: Այս համատեքստում առնվազն զազրելի եմ համարում տարբեր կուսակցությունների որդեգրած քաղաքականությունը, որոնք այդպես էլ չհասկացան, որ քաղաքական դիվիդենտները ձեռք են բերվում պետականաշինության մեջ իրենց ներդրումով և ոչ թե անձնական շահի թելադրանքով և/կամ պահի թելադրանքով իշխանությանը քննադատելով կամ քծնելով: Եկեք բոլորս սկսենք մեզնից, եթե իսկապես ուզում ենք մեր երկրի բարօրությունը: Աստված մեզ խելք, իմաստություն և զորություն տա: |
Author: Զավեն Հարոյան
The article published in the Spokesperson project.
Share with friends
Զավեն Հարոյան
All the posts published in "Spokesperson" are subject to free publishing and are regulated by the registration contract.
Copying posts from other websites is permitted only in the case when it does not contradict with conditions of usage of the source.
The website is not responsible for the content of advertisements.