Ինչու են մարդիք լվանում իրենց ատամները: Պարզ է, որ բերանից հոտ չգա և ատամները լինեն սպիտակ: Պարզվում է, կարևոր է ատամները լվանալ նաև սրտի կաթված չստանալու համար: Միայն վերջերս բժիշկներն սկսեցին խոսել բակտերիաների մասին, որոնք բնակվում են բերանի խոռոչում և վնասակար են ոչ միայն ատամների այլև մարդու ամբողջ օրգանիզմի համար:Խոսքը գնում է ստրեպտոկոկի մասին: Ըստ Իռլանդացի գիտնականների, այդ մանրէները կարող են տրոմբի առաջացման պատճառ դառնալ, որն էլ իր հերթին հանգեցնում է սրտամկանի կաթվածի: Մանրէները թափանցում են արյան մեջ լնդերի միկրոսկոպիկ վնասվածքների միջոցով: Նրանք արտազատում են մոլեկուլներ, որոնք ձևանալով որպես տրոմբոցիտներ նպաստում են արյան անոթներում տրոմբի առաջացմանը: Ուստի կարևոր է մաքուր պահել ատամները և ազատվել ատամնաքարից,որն այդ մանրէների հիմնական ապաստարանն է: |