Իտալիան իսկական դրախտ է գուրմանների համար: Իտալական խոհանոցն հայտնի է իր պիցցաների տեսակներով, պաստայով, լազանիայով, պանրի մեծ տեսականիով, սակայն Իտալիայում կարելի է ճաշակել շատ այլ ավանդական ուտեստներ ևս:
Եվ այսպես...

1.Աղցան ԿԱՊՐԵԶԵ
Իր անվանումը աղցանը ստացել է ի պատիվ Կապրի կղզու:
Աղցան Կապրեզեն իտալական խոհանոցի ավանդական ուտեստներից մեկն է: Այս ուտեստը իր մեջ ունի նաև հայրենասիրական շունչ.աղցանի յուրաքանչյուր բաղադրիչ խարհրդանշում է իտալական դրոշի մի գույնը:
Մոցարելլա տեսակի պանիրը և լոլիկները կտրատում են, դրանց ավելացնում բազելիկի տերևներ և վերջ, աղցանն արդեն պատրաստ է:

2.Ֆրիտտատա
Այս ուտեստը ձվածեղի իտալական տարբերակն է: Այն պատրաստում են տարբերբաղադրիչներից` պանիր, բանջարեղեն, երշիկ, միս, կարտոֆիլ:
Հաճախ պատրաստման ժամանակ օգտագործում են նաև մակարոնեղեն: Այս ուտեստի մեջ իտալացիներ սակայն չեն ավելացնում հյութեղ բաղադրիչներ:

3.Բրուսկետտա
Որպես թեթև նախուտեստ Իտալիայում շատ են մատուցում այս տաք բուտերբրոտները: Այն պատրաստվում է հացից ու մոցառելլա պանրից, վետչինայից, լոլիկից ու ձիթապտղից:

4.Կաչչուկկո
Այս ուտեստն իրենից ներկայացնում է ծովամթերքներից պատրաստված ապուր, որը շատ տարածված է Լիվորնո քաղաքում:
Կաչչուկկո ապուրը շատ թանձր է և պատրաստվում է ձկան արգանակից, տոմատի մածուկից, ծովամթերքներից ու կարմիր գինուց:
Ըստ ավանդույթի, առաջին անգամ Կաչչուկկո ապուրը պատրաստել է մի ձկնորսի կին: Այս ապուրի մեջ պարտադիր պետք է լինի ձկան 5 տեսակ:

5.Կաննելլոնի
Կաննելլոնին Իտալիայում հայտնի պաստաների տեսակից մեկն է, որի յուրաքանչյուր ձողիկի հաստությունը կազմում է 2-3 սմ, իսկ երկարությունը` 10սմ: Սկզբում դրանք խաշում են, ապա լցոնում պանրից, կաթնաշոռից, մսից ու սպանախից բաղկացած միջուկով, հետո եփում ջեռոցում:

6.Նիոկի
Այս մի փոքր տարօրինակ անվանումով ուտեստն իրենից ներկայացնում է շատ պարզ ու համեղ ուտեստ: Այն պատրաստվում է կարտոֆիլից, պանրից և ալուրից ու մատուցվում է տոմատի կամ այլ սոուսով:

7.Կալյցոնե
Սա պիցցայի տեսակ է, սակայն բաղադրիչները, ի տարբերություն սովորական պիցցայի, լցվում են խմորի մեջ: Այն հայտնի է Իտալիայի հյուսիսում և մատուցվում է որպես նախուտեստ: Պատրաստվում է ինչից ասես, նրա մեջ կարող են լինել պանիր, երշիկ, բանջարեղեն, սունկ և այլն:

8.Միլանական կոտլետներ
Միլանական կոտլետներն իրենց համով ու պատրաստման եղանակով ավելի շատ նման են շնիցելի: Դրանք մատուցվել են դեռևս 1134 թ թագավորական ճաշի ժամանակ:

9.Տիրամիսու
Տիրամիսուն աշխարհի գրեթե յուրաքանչյուր ծայրում հայտնի դեսերտներից մեկն է: Այն ունի շատ հետաքրքիր անվանում, որը թարգմանաբար նշանակում է "բարձրացրու ինձ վեր":

10.Կաննոլի
Այս դեսերտն ավելի շատ հայտնի է Սիցիլիայում: Կաննոլին իրենից ներկայացնում է վաֆլե խրխրթան ձողիկ, որը լցոնված է մասկարպոնե տեսակի պանրով, կաթնաշոռով, շոկոլադե ու վանիլային օշարակով և գինով: