Հուլիսի 22-ին Թաթուլ Կրպեյանի անվան զբոսայգում կազմակերպվել է «Երևանյան ամառ 2016» ծրագրով «Ողջույն Նոր Նորքից» խորագրով տոնական համերգ, որի ժամանակ ամփոփվել են նաև «Բակային ճամբար 2016» ծրագրի արդյունքները:
Միջոցառմանը մասնակցել են Նոր Նորք վարչական շրջանի ղեկավարի տեղակալ Արմեն Ալավերդյանը, Երևանի քաղաքապետարանի աշխատակազմի մշակույթի և տուրիզմի վարչության մշակույթի բաժնի ներկայացուցիչներ Արամ Գյուրջյանն ու Վարդգես Բարսեղյանը, ՀՀ Ոստիկանության Նոր Նորք և Ավան վարչական շրջանների վետերանների խորհրդի նախագահ Գևորգ Սարգսյանը, Նոր Նորք վարչական շրջանի ղեկավարի աշխատակազմի ներկայացուցիչներ, Նոր Նորքի ուսումնական հաստատությունների տնօրեններ և այլ հյուրեր:
Ներկաներին օրհնության և ողջույնի խոսք է հղել Նոր Նորքի Սուրբ Սարգիս եկեղեցու հոգևոր հովիվ Տեր Նորայր ավագ քահանա Բաղդասարյանը: «Ողջույն Նոր Նորքից» խորագրով տոնական համերգային ծրագրի ընթացքում հանդիսատեսի ուրախ ժամանցն ու բարձր տրամադրությունն ապահովել են Նոր Նորքի մշակույթի կենտրոնի, Ս. Ասլամազյանի անվան երաժշտական և Հ. Դանիելյանի անվան արվեստի դպրոցների շնորհալի երգիչ-երգչուհիները, գեղարվեստական խմբերը, ինչպես նաև «Մարաթուկ» ազգագրական երգի-պարի համույթը:
Երեխաներին բարձր տրամադրություն են հաղորդել նաև կրկեսային ծրագիրն ու կազմակերպված ակվագրիմը:
Տոնական համերգին հաջորդել է պարգևատրման արարողությունը, որի ընթացքում Նոր Նորք վարչական շրջանի ղեկավար Արմեն Ուլիխանյանի անունից շնորհակալագրերով և նվերներով են պարգևատրվել «Բակային ճամբար 2016» ծրագրի պատասխանատուները, մանկավարժներն ու շնորհալի երեխաները:
Նկարները՝ այստեղ