USD 402.56, EUR 440.64, RUB 4.58, GBP 505.01
+9 °C, +9 °C ... +19 °C Завтра+18 °C
+9 °C, +9 °C ... +19 °C Завтра+18 °C
Հուշագրի ստորագրում ՀՀ սփյուռքի նախարարությունում
16:11, 09.09.2016
2252 | 0
Հուշագրի ստորագրում ՀՀ սփյուռքի նախարարությունում
Օգոստոսի 19-ին ՀՀ սփյուռքի նախարարությունում Նիդերլանդների Թագավորության Նայմեխեն քաղաքի Միացյալ հայերը Հոլանդիայում մշակութային միության «Վան» մեկօրյա դպրոցը՝ ի դեմս տնօրեն Սվետա Աբրահամյանի և Երևանի Վազգեն Առաջինի անվան թիվ 168 հիմնական դպրոցը՝ ի դեմս տնօրեն Սոնա Գալստյանի, կարևորելով երիտասարդ սերնդի հայեցի կրթության և դաստիարակության գործում Հայաստանի և Սփյուռքի կրթական և մշակութային կառույցների միջև կապերի ընդլայնման, ծրագրերի իրականացման նշանակությունը՝ կնքեցին հուշագիր: Այդ մասին տեղեկացնում է «Հայերն այսօր» պարբերականը: Հուշագրի ստորագրման արարողությանը ներկա էին ՀՀ սփյուռքի նախարարության Եվրոպայի հայ համայնքների վարչության պետ Կարեն Ավանեսյանը, Համահայկական ծրագրերի վարչության գիտակրթական ծրագրերի բաժնի պետ Սիրվարդ Համբարյանը, ՀՀ սփյուռքի նախարար Հրանուշ Հակոբյանի մամուլի խոսնակ Սեյրանուհի Գեղամյանը, ՀՀ սփյուռքի նախարարության «Հայերն այսօր» էլեկտրոնային պարբերականի գլխավոր խմբագիր Լուսինե Աբրահամյանը, Երևանի քաղաքապետարանի աշխատակազմի հանրակրթության վարչության գլխավոր մասնագետ Սուսաննա Գասպարյանը, նախարարության աշխատակիցներ: Ներկայացնելով երկու դպրոցների գործունեությունը՝ Համահայկական ծրագրերի վարչության գիտակրթական ծրագրերի բաժնի պետ Սիրվարդ Համբարյանը նշեց, որ Նայմեխեն քաղաքի «Վան» մեկօրյա դպրոցը, որը պարբերաբար դառնում է ՀՀ սփյուռքի նախարարության համահայկական մրցանակաբաշխության մրցանակակիր, Սփյուռքում կարևոր առաքելություն է իրականացնում, իսկ Երևանի Վազգեն Առաջինի անվան թիվ 168 հիմնական դպրոցը մայրաքաղաքի այն կրթօջախներից է, որը սերտ համագործակցում է Սփյուռքի նախարարության հետ՝ պարբերաբար իր հարկի տակ հյուրընկալելով նախարարության տարբեր ծրագրերի մասնակիցներին: Երևանի քաղաքապետարանի աշխատակազմի հանրակրթության վարչության գլխավոր մասնագետ Սուսաննա Գասպարյանը Երևանի քաղաքապետարանի կողմից շնորհավորելով և բեղմնավոր աշխատանք մաղթելով դպրոցի տնօրեններին՝ հույս հայտնեց, որ այսուհետ երկու դպրոցների միջև կապերն առավել համակարգված կլինեն և կյանքի կկոչվեն նորանոր ծրագեր: Սվետա Աբրահամյանը և Սոնա Գալստյանն իրենց շնորհակալական խոսքում նշեցին, որ հուշագիրն առավել կսերտացնի երկու դպրոցների միջև կապերն ու համագործակցության նոր էջ կբացի: |
Пресс-секретарь: Նիդերլանդական Օրագիր
Статья опубликована в проекте Пресс-секретарь.
Поделись с близкими
Նիդերլանդական Օրագիր
19:13, 29.04.2024
219 | 0
14:09, 27.04.2024
224 | 0
17:25, 25.04.2024
276 | 0
23:33, 19.04.2024
1371 | 0
Все опубликованные в Пресс-секретаре материалы подлежат свободной публикации и регулируются договором по регистрации.
Копирование материалов с других сайтов позволяется лишь в том случае, если это не противоречит условиям использования источника.
За содержание реклам сайт не несет ответственности.