Բազմիցս նշել ենք ու զգուշացրել, որ աղանդները Հայաստանում նպատակներ ունեն մեր ազգային կյանքի, հավատքի միասնության ուժը փշրելու եւ մեր պետությունը խարխրելու: Դեռ օրեր առաջ, երբ մենք ոգեւորում էինք մեր զինվորին, հայտնի երգիչ ԱՆԴՐԵՆ, ում անունը հաճախ ասոցացվում էր «Կյանքի խոսքի» հետ, հայտարարեց եւ զինվորներին երգ նվիրեց` ասելով, թե չեմ ուզում պատերազմ: Այո, փոխանակ իր երգերով արթնացներ մարտական ոգին, մի բան էլ այն փորձեց հողին հավասարացնել: Ու այս օրերին, երբ մենք տեսնում էինք, թե ինչպիսի հրաշքներ է կատարվում դիրքերում` հայ զինվորի սխրանքների շնորհիվ, պարզվում է` «Կյանքի խոսքի» հետեւորդները հակառակորդի թիկունքում աղոթում են` մեր թշնամիների համար, որ Բաքվին վերադառնա Արցախը: Իհարկե, այս ամենին դժվար էր հավատալ, բայց փաստերը աղաղակում են:

Ադրբեջանի «Կյանքի խոսք» կրոնական աղանդավորական կազմակերպության ղեկավար ՌԱՍԻՄ ԽԱԼԻԼՈՎԸ մեծ ջանքեր է գործադրում Ղարաբաղը Ադրբեջանին հանձնելու համար, ինչի համար այցելում է դիրքեր ու աղոթք անում: Այս մասին է վկայում համացանցում տարածված տեսանյութը, որտեղ դեռեւս 2012 թվականին վերջինս դիմելով իր հետեւորդներին` ասել էր. «Ղարաբաղը մերը կլինի այն ժամանակ, եթե մենք ամեն օր աղոթենք դրա համար»: Ավելին` իր քարոզներում ավագ հովիվ Խալիլովը հանդես է գալիս ընդգծված հակակահայկական դրսեւորումներով:

Ինչեւէ, այս ամենը, մեղմ ասած, մտածելու տեղիք է տալիս` հաշվի առնելով այն հանգամանքը, որ «Կյանքի խոսքն» իր «ֆիլյալն» ունի նաեւ Հայաստանում