ԱԺ ՀՀԿ խմբակցության պատգամավոր Հակոբ Հակոբյանը հետաքրքրվեց՝ ինչ դիրքորոշում ունի Նիկոլ Փաշինյանը աղքատության, թոշակների, աշխատավարձերի հետ կապված: «Կա պարզ լուծում՝ ունենք համապատասխան բյուջետային եկամուտներ, տնտեսություն, որ ի վիճակի է ապահովել մարդկանց նվազագույն կամ ավել կարիքները: ՀՀ քաղաքացին հասկացել է, որ դրա համար այլևս չի կարելի հույս կապել իշխող մեծամասնության հետ ու հարկավոր են փոփոխություններ: Այն տեռորը, որ կատարել է ձեր կուսակցությունն, այդ էջն արդեն փակված է: Պատասխանատու ասում եմ, որ տասնյակ զանգեր եմ ստանում Սփյուռքի հաջողակ մեծահարուստ գործարարներից, ովքեր ասում են՝ օր առաջ գալու են ու ՀՀ-ում ներդրումներ են անելու»,- պատասխանեց Ն. Փաշինյանը: