+29 °C, +16 °C ... +29 °C Վաղը`+28 °C
Եվրոպայի հայկական միությունների ֆորումի (ԵՀՄՖ) նախագահ դոկտոր Աշոտ Գրիգորյանը կրկին անգամ դիմում է վարչապետ Նիկոլ Փաշինյանին քաղբանտարկյալներին օր առաջ ազատություն պարգևելու համար: Նախկին վարչակարգի կողմից իրականացված ապօրինությունների արդյունքում անարդարացիորեն անազատության մեջ հայտնված ազատամարտիկները ու հերոսները երբևիցե չպետք է հայտնվեին բանտում: Եթե պարոն վարչապետը չունենար պատգամավորի կարգավիճակով պայմանավորված անձեռնմխելիություն, ապա ԵՀՄՖ-ն այսօր կպայքարեր նաև նրան ազատ արձակելու համար: Միևնույն ժամանակ, ԵՀՄՖ-ը բարձր է գնահատում վարչապետ Փաշինյանի կողմից իրականացվող գործունեությունը՝ երկրում ժողովրդավարության, օրենքի գերակայության հաստատման և դատական համակարգի անկախ ու անաչառ գործառնության ապահովման ուղղությամբ, քանի որ նոր Հայաստանում դատական իշխանությունը չպետք է լինի գործադիրի կցորդը և կամակատարը: Այս առումով ԵՀՄՖ-ը ողջունում է վարչապետ Փաշինյանի՝ քաղբանտարկյալների ազատ արձակման խնդիրներն օրինական ճանապարհով լուծելու դիրքորոշումը՝ դատական համակարգում կամայական որոշումները, կոռուպցիան և ամենաթողության վիճակն արմատախիլ անելու նպատակով: ԵՀՄՖ-ը հորդորում է վարչապետ Նիկոլ Փաշինյանին՝ հնարավորինս սատարել սահմանադրության շրջանակներում արդարադատության թափանցիկ ու անկախ իրականացմանը՝ սեղմ ժամկետներում ապահովելու Ժիրայր Սեֆելյանի, Կարո Եղնուկյանի և այլ քաղբանտարկյալների նկատմամբ արդարության վերականգնումը: ԵՀՄՖ նախագահ՝ Դոկտոր ԱՇՈՏ ԳՐԻԳՈՐՅԱՆ 21.05.2018թ. |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am