Սոս Սարգսյանի անվան Համազգային թատրոնում մարտի 31-ին, ապրիլի 1-ին, 14-ին և 15-ին (սկիզբը 20:00) պրեմիերա է: Կցուցադրվի Մաքս Ֆրիշի «Սանտա Կրուս» ներկայացումը: Բեմադրությունը՝ Վիգեն Չալդրանյանի: Գրեթե յուրաքանչյուր մարդ ունի ինչ-որ անիրականանալի երազներ՝ ճակատագրի այլ տարբերակի, «ուրիշ կյանքի» մասին: Պարզապես մեզնից շատերը վախենում են դա խոստովանել: Համաշխարհային գրականությունը տոգորված է այդ ցավոտ թախիծով, հոգու այդ հավերժ տառապանքով: Ահա Մաքս Ֆրիշի պիեսի հերոսները ի վերջո հասկանում են, որ իրենցից յուրաքանչյուրն իր ճակատագրի գերին է: «Սանտա Կրուսը» պիես է կյանքի իմաստի, բարոյականության, մարդու ինքնության, հավերժական սիրո, ճակատագրի անխուսափելիության, միայնության, կին-տղամարդ հակասությունների թնջուկի մասին... |