Եվրոպական երկրներն անհանգստություն են հայտնել՝ կապված ԱՄՆ մետաղների արտահանման համար ամերիկյան պահանջների հետ, հաղորդում է Bloomberg-ը: Գործակալությունը հայտնում է, որ ԱՄՆ-ն վերջնագիր է ներկայացրել Եվրոմիությանն ու Կանադային. Վաշինգթոնը պահանջել է համաձայնել ամերիկյան կողմի քվոտաների հետ, այլապես՝ կոշտ մաքսատուրքեր կսահմանի կանադական և եվրոպական ապրանքների համար: Նման հայտարարությամբ, գործակալության տեղեկությունների համաձայն, հանդես է եկել ԱՄՆ առևտրի նախարար Ուիլբուր Ռոսը: Նա հայտնել է, որ որոշումը կընդունվի մինչև մայիսի 1-ը: «Մենք կոչ ենք անում բոլորին համաձայնել եթե ոչ սակագներին, ապա քվոտաներին»,- ասել է Ռոսը: Bloomberg-ը նշում է, որ Եվրոմիությունը կամ պետք է զիջի Վաշինգթոնին կամ բախվի նոր սակագների հետ: |