Բնապահպան Լևոն Գալստյանը ֆեյսբուքյան իր էջում գրել է. Այսպես Արարատյան դաշտի արտեզյան ավազանի ջրերը հոսում են դեպի Արաքս գետ, իսկ հայ գյուղացին մնում է ոռոգման և խմելու ջրի կարոտ։ Մերժվածների կառավարությունների 2000-ականների սկզբից վարած հանցագործ քաղաքականության արդյունքներն է սա, երբ տարեկան մոտ 1,2 միլիարդ խոր․ մետր ստորերկրյա ջուր թույլ տրվեց օգտագործել ձկնաբուծարանների համար։ Որպեսզի հասկանալի լինի, թե ինչ ծավալի մասին է խոսքը՝ ասեմ, որ Երևան քաղաքը տարեկան օգտագործում է դրանից 17 անգամ պակաս քանակի խմելու ջուր։ |