Մեծ Բրիտանիան, ԱՄՆ-ը, Ֆրանսիան, Գերմանիան և Կանադան հանդես են եկել համատեղ հայտարարությամբ, որում Ռուսաստանին մեղադրել են ռուս նախկին հետախույզ Սերգեյ Սկրիպալի և նրա դստեր թունավորման համար, հաղորդում է Sky News-ը: Արևմտյան երկրները կարծիք են հայտնել, որ այդ գործը հավանություն է ստացել ռուսական իշխանությունների կողմից: «Երեկվա հաղորդագրությունն ամրապնդել է մեր մտադրությունը՝ դադարեցնել մեր տարածքներում արտասահմանյան հետախուզական ցանցերի գործունեությունը»: Ավելի վաղ Մեծ Բրիտանիայում հայտնել էին Սկրիպալների թունավորման համար կասկածվողների ռուսաստանցիների անունները: |