Շնողի միջնակարգ դպրոցում Արմաթ լաբորատորիա հիմնելու նպատակով հայտ է ներկայացվել Barigortser.am հարթակում, որտեղ անհրաժեշտ է քվեարկել՝ գաղափարի իրականացման համար: Դպրոցում սովորող աշակերտների մոտ մեծ պոտենցիալ է նկատվում տեխնիկական կրթության նկատմամբ, MAMUL.am-ի թղթակցի հետ զրույցում հայտնեց դպրոցի ուսուցչուհի Հեղինե Ճիճիլյանը: Սակայն լաբորատորիան հիմնելու համար չկան բավարար ֆինանսական միջոցներ: Դպրոցում գործում է ՍՄԱՐԹ դասասենյակ, որի հենքի վրա կարելի է հիմնել ԱՐՄԱԹ լաբորատորիան: Լաբորատորիայի հիմնման դեպքում այնտեղ կարող են այցելել նաև սաներ հարևան համայնքներից՝ Թեղուտից, Քարկոփից, Նեղոցից և այլ մոտիկ համայնքներից և կրթություն ստանալ այս լաբորատորիայում: Արմաթ ինժեներական լաբորատորաների կրթական ծրագրերը հիմնված են ուսուցման առաջատար մեթոդոլոգիաների և գործիքների, գիտահետազոտական և կրթական ինստիտուտների ֆիզիկայի և ինժեներության ուղղվածության հետազոտությունների վրա: Այս ծրագրերը սկսվում են հիմնական ծրագրավորման սկզբունքներից և ուղղորդում են երեխաներին դեպի ռոբոտաշինություն և գործունեություն հետազոտական և ստեղծարար մթնոլորտում