+25 °C, +15 °C ... +27 °C Վաղը`+19 °C
ՀՀ նախկին նախագահ Ռոբերտ Քոչարյանը մտադիր է ընդդիմադիր կուսակցություն ստեղծել, գրում է РИА Новости-ն: «Եթե վերադառնում ես քաղաքականություն, պետք է այդ մասին մտածես»,- գործակալությանն ասել է Քոչարյանը: Նրա խոսքով՝ կուսակցության անվանումը սկզբունքային չէ: «Սկզբունքային են այն մոտեցումները, որոնք պետք է հարմարեցվեն...Այժմ ընդդիմադիր դաշտում լուրջ վակուում եմ տեսնում և կարծում եմ, որ այն պետք է լրացնել՝ ելնելով երկրի շահերից»,- հավելել է Քոչարյանը՝ նշելով, որ չի ձգտում բարձր պաշտոնի: Ընդ որում, խոսելով խորհրդարանական առաջիկա ընտրություններին մասնակցելու ցանկություն չունենալու մասին, Քոչարյանն ընդգծել է, որ պարզապես չի հասցնում: «Ես անկուսակցական եմ եղել: Դա նշանակում է, որ պետք է կուսակցություն հիմնեմ զրոյից, այլ ոչ թե վերականգնեմ այն, ինչ եղել է: Կցանկանայի ընտրությունների գնալ նոր, թարմացված թիմով: Սովորաբար ինչպե՞ս է լինում, երբ ցանկանում ես թիմ հավաքել: Ուշադրություն ես դարձնում մարդկանց, ում հետ շփվել, աշխատել ես»,- ասել է նա: Ավելի վաղ գործակալության հետ զրույցում Քոչարյանը պատմել էր արտահերթ խորհրդարանական ընտրությունների անցկացման մասին: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am