Միացյալ Նահանգները մտադիր են խստացնել Իրանի դեմ պատժամիջոցները: Այս մասին, Reuters-ի հաղորդմամբ, ասել է ԱՄՆ նախագահի ազգային անվտանգության հարցերով խորհրդական Ջոն Բոլթոնը Հարավարևելյան Ասիայի պետությունների ասոցիացիայի անդամ երկրների առաջնորդների հետ հանդիպման ժամանակ: Նրա խոսքով՝ ԱՄՆ-ն իրանական նավթի արտահանումը զրոյացնելու նպատակ է հետապնդում: «Կարծում ենք՝ Իրանի կառավարությունն իսկապես ճնշման տակ է, և մենք մտադիր ենք ավելացնել այդ ճնշումները: Ինչպես բրիտանացիներն են ասում՝ ճզմել, ինչպես կիտրոնը»,- ասել է նա: Ավելի վաղ Eurasianet պարբերականը հայտնել էր Կովկասի երկրների վրա Իրանի դեմ ամերիկյան նոր պատժամիջոցների ազդեցության մասին: |