Դատարանը ժամանակավորապես արգելափակել է ԱՄՆ նախագահ Դոնալդ Թրամփի հրամանագիրը, որով սահմանափակվում է անօրինական ներգաղթյալներին քաղաքական ապաստանի տրամադրումը, փոխանցում է Reuters-ը: Նման որոշում է ընդունել Սան Ֆրանցիսկոյի շրջանային դատարանը: Ներկա պահին հայտնի չէ, թե որքան ժամանակով է արգելափակվել հրամանագիրը: Սպիտակ տանը հրամանագրի անհրաժեշտությունը բացատրել են նրանով, որ քաղաքական ապաստանի տրամադրման համակարգը «բեռնված է անհիմն խնդրանքների» մեծ քանակով: Ամսվա սկզբին Թրամփը հայտարարել էր փախստականներին ապաստան տրամադրելու կանոնների խստացման մասին: |