Փարիզում, Ելիսեյան դաշտերում մերկ կրծքով 5 կանայք բողոքի լուռ ակցիա են անցկացրել՝ ի պաշտպանություն «դեղին բաճկոնավորների», հաղորդում է РИА Новости-ն՝ հղում անելով Parisien-ին:

Ավելի վաղ հաղորդվել է, որ ցույցերին ողջ Ֆրանսիայի տարածքում մասնակցել է մոտ 2 հազար մարդ, այդ թվում՝ հազար մարդ Փարիզում:

«Լուռ, անշարժ 5 կանայք մերկ կրծքով մոտ կես ժամ կանգնել են Ելիսեյան պալատի տարածքում՝ ոստիկանների դիմաց»,- գրել է պարբերականը Twitter-ի իր էջում:

Կանայք կարմիր բաճկոններ են կրել, նրանց մարմինն ու դեմքը ծածկված են եղել բրոնզագույն ներկով: Ակցիայից հետո կանայք թաքնվել են:

Ինչպես ավելի վաղ հայտնել էինք, զանգվածային ցույցերի հետևանքով ձերբակալվածների թիվը հասել է 90-ի: