Վրաստանում մեկ ամսվա ընթացքում խոզի գրիպից 13 մարդ է մահացել, հաղորդում է Sputnik Georgia-ն: Երկրի առողջապահության նախարարությունը հայտնել է, որ մահվան հիմնական պատճառները հիվանդների մոտ քրոնիկ հիվանդություններն են ու ժամանակին բուժօգնության չդիմելը: Հաղորդվում է, որ ընդհանուր առմամբ Վրաստանում խոզի գրիպի մոտ 160 դեպք է գրանցվել: Երկրում կարանտին չի հայտարարվել: Վրաստանի առողջապահության նախարարությունը բնակիչներին հորդորել է հիվանդության առաջին ախտանշանների դեպքում անհապաղ դիմել բժշկի: |