+11 °C, +10 °C ... +20 °C Վաղը`+21 °C
ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը հայտնել է, թե ինչպես է երկրի ղեկավարն աշխատավարձ և թոշակ ստանում, գրում է Gazeta-ն: Նրա խոսքով՝ նախագահն աշխատավարձ և զինվորական թոշակ է ստանում ԱՄՆ-ի պատժամիջոցների տակ հայտնված «Ռոսիա» բանկի քարտի միջոցով: «Երբ առաջին պատժամիջոցները սահմանվեցին, չգիտես ինչու, ամերիկացիները համարեցին, որ Ղրիմը ՌԴ-ին միացնելու գլխավոր մեղավորները ռուսաստանյան մի շարք ընկերություններն են, առաջին հերթին՝ «Ռոսիա» բանկը: Հենց այդ ժամանակ ՌԴ նախագահը որոշեց իր աշխատավարձն ու զինվորական թոշակն այդ բանկի քարտին փոխանցել»,- հիշեցրել է Պեսկովը: Պեսկովը նաև հայտնել է, որ նախագահի, ինչպես նաև վարչապետի աշխատավարձերի չափը սահմանվում է նախագահի հրամանագրով: 2018թ. ապրիլին Կրեմլում հայտնել էին, որ 2017թ. ՌԴ նախագահի եկամուտը գերազանցել է 18,7 միլիոն ռուբլին, իսկ 2016թ. այն կազմել է 8,86 միլիոն ռուբլի: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am