Թուրքիան, Իրանն ու Ռուսաստանը կարող են Սիրիայի Իդլիբ նահանգում համատեղ ռազմական գործողություններ իրականացնել: Այս մասին հայտարարել է Թուրքիայի նախագահ Ռեջեփ Էրդողանը, հաղորդում է Hurriyet-ը: «Համատեղ գործողությունները կարող են անցկացվել ցանկացած պահի՝ իրադարձությունների զարգացմանը համապատասխան: Այդ գործողությունների անցկացման համար որևէ խոչընդոտ չկա: Այդ միջոցներն ուղղված են Իդլիբի բնակիչների բարեկեցությանը: Մեզ համար կարևորը մարդկանց անվտանգությունն է»,- Սոչիից մեկնելիս ինքնաթիռում լրագրողների հետ զրույցում ասել է Էրդողանը: Պարբերականի խոսքով՝ Իդլիբի իրավիճակը գլխավոր հարցերից է եղել, որը քննարկել են Թուրքիայի, Ռուսաստանի և Իրանի նախագահները: Հիշեցնենք, որ Ռուսաստան-Թուրքիա-Իրան եռակողմ հանդիպումը կայացել էր Սոչիում, հանդիպման արդյունքներով համատեղ փաստաթուղթ էր ստորագրվել: |